930大作戰之女主角

給我最愛的男主角準老公棠棠:

我的男主角終於向我求婚啦!! 就在9月30日開始, 我就係準麥太!! 好開心啊, 感覺好難用言語來形容, 就好似發夢咁, 到依家個心仲好激動!! 其實我真係等左呢日好耐, 因為話曬隻介指都係我地一齊揀, 只係你等鑲完之後去俾錢, 我大概都知你攞左未. 一開始果兩個禮拜以為你會求婚, 但過曬你仲未做野, 我都唔再唸啦~

直到上個禮拜你個電話響, 我睇到係名YUEN既MESSAGE, 我都覺得有o的奇怪, 但你又講o的唔知咩理由, 我又無懷疑, 哈哈~ 尋日食完野你去做MRI, 你俾袋入面既我袋, 發現有張花店既卡片, 仲以為係為結婚做準備, 依家唸起都覺得蠢... 做完MRI返屋企, 準備一齊睇電影, 點知成條街都係車, 只有我地既DRIVE WAY無車, 無理由啊, 我地間屋既人好多車家喎, 不過因為唔係第一次, 所以都唔覺得o的咩, 直至望到地下用蠟燭砌左個好大既心形, 個心就開始跳得好快啦! 你播住我鐘意既音樂, 拖住我隻手同我講多謝我放棄香港既一切黎加拿大陪你, 你會用一世好好咁愛惜我, 我真很好感動!! 你仲邀請我既朋友同家人錄左o的祝福說話俾我, 你真很好有心!! 我知道我既選擇係無錯既, 因為我知道你會用你最大既力量俾我幸福, 而你既選擇都係無錯, 因為我會用我既真心去令你快樂, 我相信我地會很登對既一對, 因為我地經歷左好多野, 知道無野係比對方重要, 就算最近有o的迷信既唔好野出現, 但我都相信人定勝天, 只有信, 就有愛, 我絕對相信我地會好幸福快樂咁生活一輩子, 我好期待我成為真正既麥太, 為你生BB, 睇住佢地長大, 我地退休環遊全世界, 唸到呢到, 我已經覺得好美滿, 因為我知道, 沿途有你, 拖住我隻手, 陪我走到世界既盡頭...永遠愛你!!

最愛你的女主角準老婆雯雯上